Grande inauguraçom do Centro Social A Pedreira

 sexta 29 e sábado 30 de setembro

Depois de meses de intenso trabalho e enquanto acabamos os detalhes, podes vir pintar e decorar coletivamente na próxima terça e quinta-feira 19 e 21 de setembro, temos o prazer de anunciar o inicio da atividade no local da rua Serra 36, que já agora conta com toda a infraestrutura disponível.

O evento, de dous dias, contará com debates, formaçom, comida e muita música, atividades que som para todos os públicos. Ajuda difundir o cartaz nas redes sociais.

 

📌Sexta-feira, 29:
📍 Mesa redonda : Experiências para a transformaçom social
📍Concerto com Tecor Societário

📌Sábado, 30:
📍Atividade familiar com Ciencia em movemento
📍Sessom Vermute com A Tralha da Terra de Montes
📍 Jantar e Foliada ( _Reserva antes do 27 de Setembro)_ 

A nom perder!!!
Avante A Pedreira!!!💪🏻

Foliada de Lume Novo

 Na tarde do 23 de junho vamos ter muita festa e tradiçom. Divertiremos e dançaremos com o melhor folque ao vivo de Toma de Terra e Gure Terra, encheremos o bandulho com sardinhas frescas e purificaremos corpo e alma na cacharela de Lume Novo neste solsticio de verão para o que contamos com a ajuda da area de cultura da Deputación de Pontevedra.

 Foliada de Lume Novo.

DATA: Sexta-feira 23 de junho desde às 20h00.

LOCALIZAÇOM: Terrenos de Tafisa, a beira do Léres,   https://goo.gl/maps/hvBWmCUcKRm88Eb7A

MÚSICA ao vivo com Gure Terra, Toma de Terra e Foliada livre a começar por Solimán Pandereteiras. Começará pontual às 21:00horas.

LUME: Cacharela e sardinhas na grelha. Umha fogueira de carvalho e loureiro ajudara-nos criar um lume limpo e purificador que saltar 7 vezes, assim como a assar as Sardinhas que comeremos molhando o pam. Por petiçom popular, também haverá chouriços na grelha, bom proveito.

O JEITO: Se queres conhezer a arte tradicional de pesca, contata-nos no 623317579. Esta atividade é de noite e só para pessoas associadas a Pedreira.

Concertos:

O Coletivo de Toma de Terra é um pequeno conjunto de artistas disidentes, de aquí e de alá, que pretende achegar-se á música tradicional dum jeito alternativo baseando-se na improvisaçom. Entre as súas peças percorrerám cromatismos sonoros que mudarám desde a raíz máis arcaica das pandereteiras até sinteses electrónicas distorsionadas, passando por performances de dança contemporánea, de poesía, e incluso rap. Primando sempre a música para o baile, a súa proposta aspira moverse polo senso da versatilidade e transversalidade. 

 

Num mundo no que predomina a tecnología e a música digital, Gure Terra chegam desde o passado para trazer as canções de moda (daqueles tempos), ademáis de composições proprias.

Esta parelha compom-se dum galego (Daniel Pazos) e umha vasca (Paula Díaz), nom é de estranhar que nos seus espetáculos nos fagam viajar pola contorna atlântica e cantábrica. Nesta ocasióm Pandeirela (Lorena Cabaleiro) acompanhará com percusões variadas do país

Foliada Livre.

Solimán Pandereteiras nasceram do movimento social da mão da A.C. Trépia e sempre se prestam para encetar as boas festas e colaborar com o movimento popular, traz o teu instrumento e continua a música trás os aturujos de Solimán.

DÁ O PASSO, FALA GALEGO!

Ponte Vedra maio 2023

Caras,
Desde o C.S. A Pedreira queremos convidar-vos a participar na Rondalha que temos vontade de realizar o 16 de maio às 20.00 h. saindo da Peregrina e rematando na praça da Pedreira como inauguraçom dos atos e atividades que temos programado realizar polo Dia das Letras.
Agardamos à vossa assistência,
saudaçons.

DÁ O PASSO, FALA GALEGO!

O ano antes de que o Covid transformara o nosso mundo para sempre, se cumpliam 100 anos justos do passo de Castelao por Ponte Vedra como professor do Liceu desta cidade. Um mundo bem distinto aquele de 1919.
100 anos em tempo histórico nom som nada, nom eram nada polo menos até a irrupçom da Revoluçom Industrial e a sua conseqüência mais catastrófica que foi a expanssom do sistema capitalista polo mundo enteiro.

Fai 100 anos na Galiza pouca Revoluçom Industrial havia já que apenas passaram 40 anos da irrupçom do ferrocarril e so 20 da inauguraçom da linha de comboios que unia Ponte Vedra com Vila Garcia. Aquela Ponte Vedra pouco tinha que ver com esta e nom tam so no estético, muito mais no social e, por ende, no linguístico. Porque sí, o linguístico é social e o social é linguístico.

Que teriam pensado aquelas pessoas de ter podido visitar a Galiza 100 anos depois e descubrir umha sociedade linguísticamente arrassada? Aquelas pessoas nom o sabiam, mas estavam a piques de conquistar umha República e fazia ainda bem pouco que iniciaram o que logo se deu em chamar o Rexurdimento, um movimento cuja força e importância ainda se deixam sentir hoje. Aquele Rexurdimento que dá o assubio de saída com Cantares Galegos de Rosalia e alcança o seu cénit no 1916 graças à criaçom das Irmandades da Fala ao albur do Romanticismo e o Realismo europeus, onde de súpeto o nosso povo descobre o valor dunha lingua milenária acosada e perseguida polo Estado e às instituiçons durante tantos séculos atrás.

Que pensaria o próprio Francisco Fernández del Riego ao que este ano adicam o dia das nossas letras e ao que devemos a criaçom entre outras cousas da Editorial Galaxia que tanta importância tivo para a nossa língua?
Nim se podiam imaginar fai 100 anos a perseguiçom, o acosso e as represalias que viriam acompanhadas do levantamento fascista que todas conhecemos e ante o qual se mostrarom firmes e derom às suas vidas por deixarnos umha herança de dignidade.

Viver ou morrer, no físico e no metafísico. A herança cultural ademais de guardar íntima relaçom co mundo que nos rodeia, impacta de forma directa na autoestima dos povos, esso que conhecemos como “autoodio” e que está mais que documentado é umha das consequências de nom conservala como se merece.

Castelao no 1919 caminharia por Ponte Vedra e provavelmente nom escoitaria a ninguem falando em espanhol, a ninguem. Aquela sociedade rural e marinheira que fazia vibrar os cimentos daquela pequena vila senhorial, desejava o PROGRESSO, a modernidade, o futuro,... mas ninguém se esperava daquelas que aquel progresso tinha como pago a nossa língua e a nossa forma de viver.

O franquismo foi terrível, mas daquel 90% de monolingues em galego que havia no nosso país a princípios do século XX ao 30% actual, o período que realmente foi destructor para a nossa cultura foi o que nasceu da Transiçom. Progresso ao troco da renúncia à língua galega.

A Ponte Vedra de hoje em dia é uma cidade bonita, recebe prêmios, orgulho da sua cidadania. Esta Ponte Vedra moderna que fala em espanhol a causa da modernidade, também cheira a merda e ovos podres. Progresso, progresso e mais progresso.
Estamos ressistindo. Vemos passar por acima de nós ao imperialismo espanhol, à guerra fria cultural do mundo anglosajom e à sua globalizaçom, mentres nós nos agarramos cada vez mais forte à umha cadeira imaginária que nos ata à terra.

Sabemos que um dia para o galego nom é suficiente. Temos que ganhar o relato à globalizaçom capitalista que só valoriza o que é útil em termos de produtividade e polo que a nossa língua é um objetivo a batir.
Nós sabemos que a língua galega é umha parte importante da nossa autoestima colectiva por esso, espaços como o C.S. A Pedreira som absolutamente imprescindíveis. Som trincheiras de resistência ao relato da utilidade productiva capitalista. Este espaço proporciona um lugar para a inmersom linguística absolutamente necessário, umha ilha natural onde qualquer pessoa criada no “progreso do espanhol" poda dar o paso e recuperar a sua autoestima linguística. Esse passo tivemolo que dar a maioria de nós já que somos maioritariamente “neofalantes” ao ter nascido depois da Transiçom e sabemos que nom é nada singelo si nom se dam unhas condiçons propícias que ajudem a tal fim.

Está na nossa mam passar da resistência à remontada, temos a vontade, o espaço e a razom, assim que animemos a todas e todos a dar o passo.
DA O PASSO, COMEÇA A FALAR EM GALEGO. 

Festa da língua 2023. Um futuro para a nossa língua!

Do Centro Social A Pedreira estreamos blogue e Festa da Língua.

Completa programaçom da Festa da Língua que organizamos com a colaboraçom da area de normalizaçom linguística do Concelho de Ponte Vedra. Terá lugar nos dias 16 e 17 de maio e haverá concertos, jogos populares, palhaços e muitas cousas mais. Vamos festejar que existe um movimento viçoso que trabalha pola nossa cultura dia após dia. Nas semanas previas as jornadas "Construindo futuro para a língua galega" ajudaram a entender as ferramentas que temos disponíveis para normalizar o galego. Continua a ler toda a programaçom.

27 de abril: Imersom línguística com Santi Quiroga. Coordenador nacional das Escolas Semente e professor no ensino público. 

4 de maio: Umha língua extensa e útil com Tareixa Carro e Sechu Sende. A professora de português e o reconhecido escritor multidisciplinar achegaram-nos as infinitas possibilidades do mundo da lusofonia 

 11 de maio: O Galego nas redes sociais com Sara Seco, Neeumatiko e Orgullo Galego. Explicaram-nos como é possível criar contido em galego com muito sucesso.

 

 13 de maio: Monólogo "Vício houve sempre" com Atenea Garcia. 

 

Dia 16 de maio

  Construindo futuro para a nossa língua.

Antes dos concertos será o espaço para um evento lúdico reivindicativo onde todas juntas visibilizaremos umha língua viva. Para apoiar a mobilizaçom animamos a vossa associaçom assinar o manifesto da Ponte Vedra que quere o Galego na seguinte ligaçom https://forms.gle/DGcnaKFXZ1HeRkhb9

 Concertos na Praça da Pedreira.

Vem desfrutar de Trés pés para un Suso onde o Leo, o Constenla e o Sobrado, praticantes da livre heterodoxia re-interpretam Suso Vaamonde e de Sonoro Maxín, banda que trás tantos anos percorrendo os cenários do país apenas precisam apresentar-se, voltam dum obrigado parom para fazer-nos mover o esquelete com as melhores cumbias e ritmos mais bailáveis.

 

 Dia 17 de maio

 Dia das Letras Galegas.

Desde ás 11:00h da manhã, na rua Serra (imediações da Praça de Abastos) contaremos com múltiples atividades para todas ás idades, jogos populares, o palhaço mais conhezido da cena galega, música ao vivo, livros e um almorço que require reserva prévia no e-mail apedreira@riseup.net

Mil primaveras mais para a nossa língua!

 

 

 

 

 

Cursos até junho 2023

A Pedreira anuncia diversos cursos no seu novo local. As vizinhas de Ponte Vedra poderám divertir-se e perder medo do palco com Teatro, aprender cantar para divertir-se polas tabernas, tocar instrumentos como o Ukelele, guitarra, gaita, tamboril e outros de percussom e também aprender fazer arranjos, desses comúns em todas as casas, como colgar um quadro, solucionar umha perda de auga ou cousas mais avançadas como erguer umha parede ou colocar chão de madeira. Para inscrever-se hai que enviar email a apedreira@riseup.net .
Pouco a pouco e entre todas vamos dando forma a Pedreira, este obradoiro emancipatório que aspira ser alavanca dum viçoso movimento social. Hoje apresentamos os primeiros cursos e múltiples atividades irám surgindo do caudal coletivo. Participa das assembleias e grupos de trabalho!

 

Nascem as novas redes sociais da Pedreira!

Nasce o Centro Social A Pedreira, espaço autogerido de encontro e luita para todas as pessoas que crem noutra comarca possível, livre de militares e postas de longo que tanto cheiro a celulose deixam polo caminho.

Desde a experiência acumulada pola Associaçom Cultural o Quilombo, reafirmamos no compromisso com a nossa língua extensa e útil, com a cultura e movemento popular, na luita por umha Galiza independente e ecológica baseada em práticas e valores alternativos aos do capitalismo e patriarcado.

Com este nome queremos revindicar o espaço o que damos vida, localizado na Rúa Serra 36, mui perto da Praça da Pedreira, das poucas do centro histórico que aínda conserva todo o espaço público para a comunidade. A Pedreira é o lugar onde picaremos pedra para erguer de novo um movemento popular afouto, para unir-nos mais, porque em Ponte Vedra, Hai que roe-lo!

Organizamo-nos de maneira assemblear polo que animamos vir participar e seguir as nossas redes sociais para conhecer as diferentes atividades que levamos e levaremos a cabo. O horário de abertura do centro social é de quintas-feiras a sábado de 19:00 a 23:00 horas.

Fazemos também um chamamento a associar-se através de achega económica (5 ou 10 euros ao mês) para que A Pedreira poida seguir medrando ou, sem posibilidade de achegar dinheiro, podes associar-te dedicando algumhas horas de trabalho coletivo.

Segue-nos nas redes sociais e ajudanos chegar a mais gente.
TikTok: tiktok.com/@apedreira_cs
Instagram: instagram.com/apedreira_cs
Facebook: facebook.com/apedreira_cs
Telegram: t.me/apedreira_cs
Twitter: twitter.com/apedreira_cs
Blogue: apedreiracs.blogspot.com/